سميحان عاد الى بيته بعد قضاء 15عام في سجون الجن +صورة الضلما

هذا الموضوع .. تقدرون تقولون انه مسكون ... والكلاام راح يكون مشفر فيه
والملقوووف واللي يقوول ابدخل ويصير اللي يصير ابري ذمتي ولاااالي دخل به
لوووو يجلس يرقص فوق سطح الدرج .. او يخذونه معهم بكيفه ..



مدخل



من الكلمات والامثال اللي نستخدمه ايام الطفوله قل مقص ؟ حبك الجني ورقص
نقولها بكل سهوله ونحن مبتسمين ولكن لانعلم ماذا تعني هذه الكلمه ..
دعونا نفكر في هذا المثل .. قل مقص؟ صيغة استفهام موجهه ل شخص امامك
وعندما يقول مقص .. ترد عليه ب حبك الجني ورقص .. اذاُ انت هنا دعيت جني
لكي يحب او يمطخ او يشخف هذا الشخص مع صويبراته ويرقص على متيناته(متن) ...















سميحان طفل مقرود منذو الطفوله .. في كل زاويه ولفه من الحاره تجده يويدز معه
اطلقو عليه شيبان الحاره .. الاشهب المقرود ..كش وجه ..وجه النحس الجني الاشعط وكثير من االمعايير اللي نسبت له
بسبب لقافته الزايده ...


ولم تتوقف لقافته فقط على الارض بل حتى الهوى وصله كان يرقى سترة السطح .. يمشي عليه بكل سهوله ومن الطريف ب سميحان انه يدخل راسه مع المرزاب ويويدز على اصدقاءه اللي بالشارع
استمرة شقاوة او لقافة سميحان حتى سن 18عام




ام سميحان تقول اباد حيلي واتلفن ولم تتبقى مدعاه عندي ألا وارسلته عليه
امش مشش يمشي بطنك ... ياملا الذهاب اللي يذهبك .. الله يلعن الساعه اللي جبتك به
ياملا العردز اللي يفص ظهرك .. وكثير من المداعي اللي ترسل عليه يومين







ولكن الشي المذهل والخطير اللي كان يمارسه سميحان وهذا السبب الوحيد اللي اجمع الكثير عليه
انه سبب ب اختطاف الجن لسميحان ... ماهو الشي اللي يفعله سميحان ؟



كان اذا حصر وبغى يــ ..... الخ .. اقرب بيت نمل ..رفع ثوووبه واطلقه عليهن ...

وغير هذا جلوسه وقت مغيب الشمس على عتبة الباب الخارجي
وغير ذلك .. رميه للحجاره وقت الليل اما تكسير لمبات الشارع او سياره غريبه مره اطلق عليها
من الحجر قامت وقعدت ..

لم يلقي ل امه ايه اهتمام عندما تخيفه الحين تجيك الضلما الحين تطلع عليك الدفيعا والمساره

الولد مايعبر بــ إيــ كلمه ماعنده الا قووولة كل بـــــ ...... الخ ....





في ليلتن من الليالي دخل سميحان غرفته منهك ومنهد حيله من التعب ..
وعلى طوووول جدع برووحه على فراشه لكي ينااام
لم يكن الوضع طبيعي بذيك الليله .. فز سميحان على صوووت خرفشه
استدنى التريك ولعه وألا بذا شخصن غريب عند ملابسه يتحكك ...





بهذا الموقف لم يخاف سميحان من هذا الكائن الغريب
بل قال العن امك يابن الكلب وش دخل لداري وهوو يزر التريك لاهووو مبنط بجبهة
ملقيه على الارض ميت ....
بهذه اللحظه .. انهاااالت جيوش الجن من كل صوب











جن تنزل مع السقف وجنن تنزل مع الجدران وجنن طلعووو
من ثيابه الموووصخه وسراويله المبقعه بالشخان .. يقول احد الخبراء في علم فن تصليح مرق الطمامط
لو اللي طلعووو على سميحان طالعين على امريكاء واسرائيل شرط يمسحونهم ب بخمس اعشار الثانيه
من كل صوووب انهالت الجن والعفاريت عليه ... ربطوووو سميحاااان وشالووووه لديرتهم


وصلووو ب سميحان الى مكانهم واذا ينظر السمحي ل مناظر جعلته اول مره يضرب السكه

هذا بار لمشاهدة الصورة مصغره

شاف اللي مايعترفون بالزقر والضرب ماعندهم جزر ....
بعد هذه المناظر سميحان بدت ملابسه ترطش من شين شافه .. مالومه لو انا بمكانه كان منهر ..... شاااات احد الجن سمحيان بووز مع مركبته الخلفيه قائلاً امش مشى بطنك قدااااااااااااام ..
حنا من اول ناوووين ترزتك ياملعون الجدف ... ماخليت عيالنا يستانسووون امش ..
وصلو به الى ... راس الشر والشريره







الضلما ام الدواهي .. اول ماشافت سميحان قالت هلا هلا .. سح سح الموذي
من اول وانا اتفرس عليك ياملعون الجدف ... خلوووووووووووووووه ياعفاريت
امش اجلس هنا لاوالله ابغز عيونك واشويهن

الحين يالتسلب الداشر ... ماكانت امك تقووولك لاجاء الليل ياويلك من الضلما لاتجي تاكلك
وتقول بكل استهتار تاكل بـــ .... الخ ..... الضلما ... او انك لاحصرت رحت فوق بيوت النمل والسيسان تبتر يالجعري الضبان وخليناهن لكم ماقلنا شين لكن تجي للنمل .. غزلاان الجن وتبتر عليهن انت وسيقانك المشقه
ياخي لاتحسبنا كلنا جحلط مانسكن الا بالحمامات .... تر بنا جن عيال نعمه
لكن كل شي الا نرده لك .. يالتسلب الداشر ..











اهل سميحان وخاصتن امه وابووووه .. بعد مافقدووو ولدهم ..بلغو الشرطه وبلغو الصحه
والدفاع المدني مافيه دزليب الا وطبحو فيه ابللللللله ي 911على غفله ...

اجمعو شيبان الحاره والشرطه المبلغ عنده ان سميحان راح يجاهد للعراق
وعلى قولة المثل العجزان يعلم الغيب ...اصدرت قرار الشرطه ان سميحان راح يجاهد للعراق ..
لجل يريحون روسهم من التعاميم والتعب على شان كشرة سميحان ..









لم تتوقف شهرة ابوالسمح فقط على مستوى الحاره بل حتى الابيت الابيض
وصلتهم علووم ابوالسمح ... امش هذه الشهره والا بلااش
بعد فتره زمنيه نزل اسم ابو السمح مع قائمة المطلوبين للبيت الابيض ...
ضج الاعلام العالمي ب اسم ابو السمح واشهاره انه راس حيه ماهو بسيط
مسبب خطر كبير على الاستقرار والامن الغربي كل هذه الامور تدووور في عالم الانس
وبعد فتره من نزول اسم سميحان على القائمة ورد خبر ان ابو السمح منفذ 3عمليات تفجر.. والرابعه انتحر فيها
في بغداد .....






امافي عالم الجن ف إن ابو السمح يقطن في البيت المهجور المجاور لبيت اهله مربوووط بمروحة المطبخ ..
تأديب وتنكيل لما يفعله ... بوغدان الجن ..
حالته حاله يرثى لها ... تشوفونه ماتقولون انه سميحان السربوت اللي ماحد سلم منه
نكلوووه تنكيل .. علمووووه شلووون يستهتر ب العالم الجني ..ويزعز استقرارهم السياحي والاقتصادي








القاضي ماكاووباكووو العفريتي ... هو من حاكم ابوالسمح وكان مقر المحكمه
ب دار الوغدان من البيت المهجور




تقدمت ل المحكمه جنيه تقول ان عياله اكا اليووم كاشتين فووق لمبة الشارع جاااا ابو السمح
وبكا الرضمه طيرهم هم واللمبه ...



تقدم بعد ذلك بريعصي يقووول انه الصق مخة وابنه وفلذة كبده على جدار بيتهم .. هذا غير قضايا النمل المرفوعه للمحكمه والمتكفله بهن المحاميه ام 4واربعين

بعد مرور 15سنه من اختفاء سميحان من عالم الانس وبعد ماقضى فترة محكوميته
اطلق سراحه ... وقالو له توكل الخلاااا ... وقف سميحان عند باب البيت المهجوور
وقااام يويدز مع فتحة الباب متخووف مايدري وشلون شكل العالم والا مار حارته هي حارته ماتغير شي :yucky:
على حفرياتهم ومطباتهم:icon10: .. الا بعض الشي مثل السيارات الجديده والاكثره مملوكه ل ولد جميل
خرج سميحااان وماواجه اي احد في ... الشارع دخل لبيتهم والا ابوووه يتغدااااا


ابو ه اول ماشافه طاحت ميقعة المرق من يديه وهو يقوول س س س س س س
قال ابو السمح ايه سميحان بوووه احد غيري ابووو ماتوووقف عن السين س س س س ...
ام سميحاااان ... ارتست يده على الدفااايه ماتدري وش السالفه
رد سميحان متنرفز .. الحين يوووم انتم جلسين طول هالسنين لاتنشدون عني ولاتدوروونن ليه
وانا لي 15سنه معلقن بمروحة مطبخ البيت اللي توالنا ولابه احد جااانن ... بعدها خاف سميحان ان ابووه وامه يجيهم شي لان ابوه معلق على السين س س س وامه مرتسيتن يده
على الدفايه ... تواسى ل ابوووه وهوووو ينثر طاسة الما عله ا
وكذالك مع امه... لين ردو لحالتهم الطبيعيه
اللي بعده قال ابوووه والله انا داري انك ذويبان ياسميحان
رد سميحان قائلاً ذيب كبر راسي
قال ابووه اصبر الحس يدي واغسل لجل ارجع واخمك
قاله والله ياوليدي لو ماجيت ازين لك ... استرحنا عقبك
لكن شف ترك اكبر مطلووب عند امريكا وانك مفجر بغداد ولاعن جدف امريكا لعن وانهم قالو انك متت
قال سميحااان بحركة استهتاريه ... معلق لي15سنه بهالمروووحه يااااويطي يامريكا وجيشه ..





عادت مجاري الحياة لدى سميحان لكن ماهووو خلي بووووه من الجن قومة وقعدة ..
ولكنه رجع لهله واللي فيه من العفاريت ... تعرف عليهم ب السجن وقالوووله
والله مانخليك يالسمحي راح نصادقك على طوول ... وهاهم مع سميحااان على مدار الساعه
ملبين طلباااته .. وحتى انهم جوزو سميحان هيفاء وهبي وهي ماتدري









كتب هذا الموضوع

الجني : سمرجي العرج .. صديق سميحان

يممممممممممه

وهـ وهـ بسم الله الرحمان الرحيم

تصدقين امبراطورة رحت جبت اختي جنبي قومته من النوم لانه صبخ الباب وانا اقراه


والعكس صحيح


تشكراااتي

يوووووووووووووووووووووووووووووووووومممماااا

هههههههههه

الله يعطيك العاافيه

يممممممممممممممممممممممممممممممممه

يسلموووووووو خيتووو