من أجمل القصايد... أحاول أمسح من حياتي حياتك

إيوالله متزوج . . وعايش إلى الحين
. . . . . أحاول أمسح من حياتي حياتك

الله رزقني في غيابك إبنتين
. . . . . كنت أتمنى لو يكونن بناتك

تخيلي . . قرّبت أكمّل ثلاثين
. . . . . ولازلت شايل داخلي ذكرياتك

طفله على حد العطش لو تمرّين
. . . . . ينبت على جال الضوامي نباتك

كنتي غنى .. بعيون كل المساكين
. . . . . كنتي هنا .. تبدين سيرة غلاتك

من كل بنات الحي كنتي تغارين
. . . . . مو بس بنات الحي .. حتى خواتك

أجيب فيك العيد ولا تجيبين ؟
. . . . . منهو يسوي في حياتي سواتك

مرات نرسم نهر بين البساتين
. . . . . ومرات نتسابق وخيلك > عصاتك

ومرات نبّني قصور وبيوت من طين
. . . . . والمغرب إتهدّ المباني حصاتك

ومرات كأنك أم وِحنا صغيرين
. . . . . والشرشف الوردي كأنه عباتك

كان الخطا .. إنّا قرااااب وبعيدين
. . . . . كان العطا .. ما يحوم حول أمنياتك

تدرين ليه يدوم حب المجانين ؟؟
. . . . .: مابه عقل يمكر ويخدش حلاتك

صرت أفتح الخفاق بعدك بلا: مين ؟
. . . . . ومن فات . . قلت : الود والشوق فاتك

ما هزني بعد الأمل والعناوين
. . . . . ماهزني .. إلا .. وفاك وثباتك

قلت وحياتك ؟ . جاوبتني : إلى الحين

. . . . . أحاول أمسح من حياتي حياتك

واليوم ليت أملك بهالصدر قلبين
. . . . . قلبٍ لك إلحالك . . وقلب إلـ بناتك

رووووووعــــــــــــــــــــــــــة

يسلمووووو

كان الخطا .. إنّا قرااااب وبعيدين
. . . . . كان العطا .. ما يحوم حول أمنياتك

تدرين ليه يدوم حب المجانين ؟؟
. . . . .: مابه عقل يمكر ويخدش حلاتك

رووووووووووعهـ

دائما مبدعهـ

مبدعه يامديرتنا الغاااليه

تقبلي خطمتي يالغلا

» أجمل لحظات عمرك
» ماذا فقدت من حياتك الخاصة بعد دخول الانترنت